مهما طال الضجر والسأم
وعشعش فينا الحزن أكوام
متماسكين وما هشين وما لينين
نقول يا دنيا ليك أيام
***
طال ما مكي بغشانا و بواسينا
يوكح جرحنا النازف
يطبطب كلام إحساس على الأكتاف
يطمن روعنا الراجف
و يشلع بسمة الأنوار كما المجداف
تحرك دمنا الواقف
***
خلاص يا هم ما تتلملم وما بنخاف
عرفناك وبتتجازف
طال ما مكي بغشانا وبواسينا
وعلى ناي الفرح عازف
طال ما مكي ياهو النيل
يبلل حلقنا الناشف
وياكا أصيل و ما كالنيل
يلولو دربو كم مرات
يتغاطم على المسكين
وكم وراهو من ويلات
وياكا أصيل وما كالنيل
بنقراك يوم تجينا ثبات